Leigetakar skuldar leige etter endt leigeforhold
Skuldar leigetakar leige etter endt leigeforhold? Her har vi samla nokre tips til utleigar.
Depositum og garanti
Viss leigetakar har betalt inn depositum eller det er stilt ein garanti, kan du krevje dekning gjennom depositumet eller garantien.
Depositum og garantiTa kontakt med leigetakar
I tilfelle der det ikkje ligg føre eit depositum, eller depositumet ikkje dekkjer all skuldig leige, kan det vere lurt å forsøke å få til ein nedbetalingsavtale med leigetakar.
Viss du ikkje får tak i leigetakar, eller leigetakar ikkje går med på ein nedbetalingsplan, bør du sende melding til leigetakar om kor mykje pengar du krev i skuldig leige og kva månader du krev leige for. Du bør sette ein 14 dagar lang frist for betaling til kontonummeret ditt.
Ingen betaling?
Viss leigetakar framleis ikke betalar, kan du sende inn ein klage til Husleigetvistutvalet med krav om betaling av skuldig leige. Det er viktig at du i klagen gir ei spesifisert oversikt over kva månader kravet gjeld. Du bør også legge ved leigekontrakten og eventuelle andre bevis for kravet.
Send inn klageAndre ueinigheiter som kan oppstå
Alle ueinigheiterRelaterte artiklar
Det løner seg å skrive protokoll ved innflytting og utflytting
Utleigar og leigetakar bør ha ein felles gjennomgang av bustaden både ved innflytting og utflytting, og fylle ut ein overtakingsprotokoll.
Når leigetakar nektar å flytte ut
Leigetakar er forplikta til å flytte når leigetida eller oppseiingstida er utløpt.
Erstatning for leigetap
Leigetap vil seie tapte leigeinntekter i ein periode der utleigar normalt kunne forventa å få inn leige. Utleigar kan ha krav på erstatning for leigetap.