Utleigar møter ikkje opp på utflyttingsdagen
Viss utleigar ikkje stiller opp ved tilbakeleveringa, bør leigetakar sjekke bustaden, ta bilde og skrive opp alle skadar og manglar.
Dersom oppseiingstida er ute, og utleigar ikkje kan ta imot nøklane, bør leigetakar snarast mogleg sende nøklane med rekommandert postsending til utleigar.
Rekommandert postsending betyr at leigetakar får kvittering for at brevet er sendt, og at utleigar får ei melding frå Posten om at han har fått eit brev som må hentast. Poenget med rekommandert sending er at leigetakar får bevis for at han har levert nøklane til utleigar. Viss utleigar er utilgjengeleg, kan leigetakar krevje at utleigar erstattar utgifta for den rekommanderte sendinga.
Viss leigetakar i staden for å levere nøklane til utleigar, fortset å ha nøklane og dermed tilgangen til bustaden, risikerer leigetakar å måtte betale husleige heilt til nøklane blir levert.
Andre ueinigheiter som kan oppstå
Alle ueinigheiterRelaterte artiklar
Det løner seg å skrive protokoll ved innflytting og utflytting
Utleigar og leigetakar bør ha ein felles gjennomgang av bustaden både ved innflytting og utflytting, og fylle ut ein overtakingsprotokoll.
Når leigetakar nektar å flytte ut
Leigetakar er forplikta til å flytte når leigetida eller oppseiingstida er utløpt.
Erstatning for leigetap
Leigetap vil seie tapte leigeinntekter i ein periode der utleigar normalt kunne forventa å få inn leige. Utleigar kan ha krav på erstatning for leigetap.